افضل ساحر … جیون کیہڑے کار

جیون کیہڑے کار

افضل ساحر

نہ کوئی سیک نہ ٹھنڈیاں ہاواں

ٹُریاں جاون رُکیاں راہواں

اکھیں جمیاں دِشاں دشاواں

اندھ غبار وچ لُکیاں راہواں

راہیں   بیٹھے    چور

بن کے ہور دے ہور

نہ کوئی یاد نہ چیتا بُھلے

رتے نینوں، رت نہ ڈُھلے

سینے سُنج دے جَھکڑ جُھلے

میں تے میں دا بھیت نہ کُھلے

لنگھ   دی   شام   سویر

جندڑی   گھمن     گھیر

نہ کوئی دلبر نہ دلداری

مر مر مُکے دنیا ساری

سُرتاں سار اسُرتی ماری

مِٹیو مِٹی پاوں پساری

ہوندی   مارو   مار

جیون کیہڑے کار

جیون کیہڑے کار

Advertisment

Be the first to comment

Share your Thoughts: