پنجابی غزل ۔۔۔ رومانہ چودھری

غزل

(رومانہ چودھری)

اکو رُکھ تے پَل کے چڑیاں
رہ نہ سکیاں رَل کے چڑیاں

باز کمینے، کچیاں کھا گئے۔۔۔!
بندے کھا گئے، تل کے چڑیاں

اِک اِک پنجرے پا دیندے نیں 
ماں پے ہتهیں، ول کے چڑیاں

مُڑ کے جنگلیں، جا وڑئیاں نیں 
شہراں توں، سڑ بل کے چڑیاں 

لے نی مائے، ٹُر چلیاں نی ۔۔۔!
شگناں دے، رنگ مل کے چڑیاں 

دُکھ دے گیت، سناون بیبا ۔۔۔!
گھر گھر عمروں ڈھل کے چڑیاں​

 

Advertisment

Be the first to comment

Share your Thoughts:

This site uses Akismet to reduce spam. Learn how your comment data is processed.