ٹبیاں اتے چھاواں ۔۔۔ ہمراز احسن

ٹِبیاں اُتے چھاواں

(ہمراز احسن)

ایس ورہے نہ شیشہ تکیا
نہ کوئی کیتی گل سواداں والی
من کٹورا خالی
ٹُردے رہئےپر سنگ نہ ملیا
نہ ہی لگی کوئی اُڈیک
ایس ورہے تے ٹِبیاں اُتے رہیئاں چھاواں
سورج بھُلیا راہواں
نہ یاداں دیاں گل وچ بانہواں
ایس ورہے دا پلہ پھڑ کے جیہڑا ٹُریا
کلا مُڑیا
اُنج تے ایس ورہے دی مِٹی اُتے
واء نے نقش بنائے
پچھلے پیریں ڈھائے
ایس ورہے دے گل وچ
نہ کنٹھا نہ گہنا
ایہدے بھاگاں انجے رہنا
جیکرایس ورہے
کوئی چُلھا بالو
جاندی واری ڈھا کے جانا
اُتے مِٹی پا کے جانا
ایس ورہے نہ دل وچ رہنا
ایس ورہے دا ایہوگہنا

 

Advertisment

Be the first to comment

Share your Thoughts:

This site uses Akismet to reduce spam. Learn how your comment data is processed.