نظم۔۔ راشد حسن رانا

خاب جزیرے کچ دے

نظم

راشد حسن رانا

خاب جزیرے کچ دے

رُت نے کیتے ساوے

سوچاں اتے بدل تردے

کوئی آوے کوئی جاوے

رنگ برنگے پنچھی چہکن

ست سُراں دا راس

کونجاں ڈاراں واپس آنیاں

مُکیا ہن بن باس

تے وا ء دے پَیر، ہن رنگ پجیباں

چھن چھن چھن نچے

راہواں تے خوشبوئی جیویں

بھانبڑ وانگر مچے

ٹاہنی ٹاہنی تارے چمکن

چانن پئے پُھوار

ہر پاسے اک ساوا منظر

کد آویں گا یار

Advertisment

Be the first to comment

Share your Thoughts: