صاحب ۔۔۔ امر جلیل

Qazi Abdul Jaleel, popularly known as Amar Jaleel, is a Sindhi fiction writer and a columnist whose columns appear in various Sindhi, Urdu and English-language dailies of Pakistan.

صاحب

( امر جلیل )

”ہیلو ”
”ہیلو ”
”صاحب ہے؟”
”کیہڑا صاحب؟ ایتھے ہر کوئی صاحب اے ”
”وڈا صاحب ”
”ہاں بول رہیاں”
”جناب اسلام علیکم”
”میں وڈیرہ ہن کھن بول رہیاں ”
”او، ہو! وڈیرہ ہن کھن! جناب جی خوش او، چنگے او؟”
”اﷲ دا شکر اے ”
”کوئی حکم احکام ”
”اک عرض کرنی اے”
”جناب کمال پئے کر دے او، اسیں تہاڈا نمک کھاہدا اے، تسیں حکم تے کرو ”
”ہیں، ہیں، لکھ لعنت ”
”خیر تے ہے نا؟ ”
”ہاں، خیر ای اے، پر اوہ میرا ہاری اے نا۔۔۔۔۔”
”کیہڑا ہاری؟”
”سکھبیر”
”آہو۔ اوہ جہنے تہاڈے خلاف درخواست دیون دی کوشش کیتی سی، تے تسیں اوہدا منہ کالا کر کے، کھوتے تے بٹھا کے اوہدا جلوس کڈھیا سی، اوہی سکھبیر؟
”بالکل اوہو ای ”
”فیر اوہدا دماغ خراب ہو گیا اے؟”
”آہو، اوہنے فیر ماسٹر کولوں اک درخواست لکھوائی اے، جیہدے وچ اوہنے اپنے نال ہوئی زیادتی دا ذکر کیتا اے”
”اوہنے درخواست گھل دتی اے؟”
” نہیں نہیں، مینوں اوس ویلے ہی پتہ لگ گیا سی تے میں اوہناں نوں جا کے پھڑ لیا اے ”
”پھڑی رکھو، میں چھیتی آ رہیاں، میں ایس حرامی تے خون دا  کیس پا دیواں گا۔
”پر میں ماسٹر ابراہیم نوں وی نہیں چھڈاں گا، ایہہ پورے پنڈ وچ لوکاں نوں اخبار، رسالے تے کتاباں پڑھ کے سناؤندا اے۔ اوہنے پنڈ والیاں نوں ساڈے توں بیزار کر چھڈیا اے ”۔
”میں ماسٹر ابراہیم تے دو کیس پا دیواں گا اک پنڈ والیاں نوں باغی کرن دا دوجا زنا دا ”
”بڑی مہربانی، ایہدا اجر تینوں اﷲ تعالیٰ دیوے گا۔ ”

Facebook Comments Box

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Calendar

March 2024
M T W T F S S
 123
45678910
11121314151617
18192021222324
25262728293031