نظم ۔۔۔ جمشید ساہی

نظم

( جمشید ساہی )

جھوٹھ رہوے تے سچ وی

سیت رہوے تے مچ وی

دونویں گلاں اک تھاں کیویں

کالیاں شاہ راتاں وچ اچی

گل دا وقت نہیں رہنا جد

کیہہ کردے اودوں

وڈے سراں تے وڈیاں پگاں رکھن والیو !

اچیاں گلاں نال جاں اودوں

جھوٹھے سچے ہر اک اگے

سیس نوانا

جاں فر اپنے سچ نوں رکھنا

اپنی گل نوں رکھنا

اپنے کماں سیتی

دونہہ وچوں تے بھلیا لوکا

اکو گل ای رہنی اے

پگ رکھیں تے سر نہیں رہنا

سر رکھیں ، پگ لہنی اے

Share your Thoughts:

This site uses Akismet to reduce spam. Learn how your comment data is processed.

Show Buttons
Hide Buttons
%d bloggers like this: