خاب ۔۔۔ نسرین انجم بھٹی

خاب

( نسرین انجم بھٹی )

دور جان والیاں اکھیاں

نت اڈیکن بارشاں

تے کڈانہہ نہ ویچن خاب

دور نہارن والیاں اکھیاں

بن مرضی نہ بولن

نہ ڈیسن کائی جواب

دور نہارن والیاں اکھیاں

رنگ نرنگیاں لال

پیلے بوچھن پیندیاں تے ڈیون ناہیں حساب

دور نہارن والیاں اکھیاں

پن کھاون نہ سکھیاں

بھر پیالی نت بوڑھ گھیتو نیں ھناں سڑدی ریت دیاں پکھیاں

رنھ سالونا کائی نہ آیا

ڈھگ چنگیراں کہیں نہ رکھیاں

دھوڑاں بھریاں سیندھاں اندر، لشک مریندے تارے

ایویں چن چڑھسی تے ڈیکھوں

اساں پکھی واس سنڈیسوں

دور وسے ایناں اکھیاں اندر، دور ایہناں دے نیڑے

دور ایہناں دی ہستی وستی

دور ایہناں دا دیس

بھر پیالی رت اینی وی ایہہ پیون کالی دھوں

دور نہارن والیاں اکھیاں

نت اڈیکن کالکھاں تے کڈانہہ نہ ڈیکھن خاب

Facebook Comments Box

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Calendar

March 2024
M T W T F S S
 123
45678910
11121314151617
18192021222324
25262728293031