غزل ۔۔۔ پرویز ہاشمی

غزل

(پرویز ہاشمی )

اپنے ہنر کمال بس انج ای ضائع ہو گئے

عمر دے کنے سال بس انج ای ضائع ہو گئے

ویلے دے سُر تال بس انج ای ضائع ہو گئے

تیرے ہجر وصال بس انج ای ضائع ہو گئے

سِکھیا ناں کوئی سبق ای پچھلیاں بھلاں توں

دل تے آئے زوال بس انج ای ضائع ہو گئے

روندی اکھ نوں کوئی اک رنگ وی پچیا ناں

نیلے پیلے لال بس انج ای ضائع ہو گئے

ماضی نوں بنیاد بنایا کیہہ پرویز

مستقبل تے حال بس انج ای ضائع ہو گئے

Share your Thoughts:

This site uses Akismet to reduce spam. Learn how your comment data is processed.

Show Buttons
Hide Buttons
%d bloggers like this: