DSCI0049.JPG

باراں گودی، باراں پیٹ ۔۔۔ شہناز پروین سحر

Penslips Weekly Magazine Issue # 100

باراں گودی، باراں پیٹ

( شہناز پروین سحر )

صبح سویرے
گھر توں نکلے
مانواں دے سب لاڈلے لعل
شاماں پئیاں 
گھر نوں آئے
پیر چُکیندے وختاں نال
اونہاں وچ کج مڑ نئیں آئے
مانواں لے کے
بیٹھیاں رہیاں
روٹی ٹکر والے تھال
کیوں نئیں آئے
کتھے رہ گئے
لبھدیاں لبھدیاں سڑک تے آ ئیاں
اگے کھڑا ہویا کُتوال
سوٹا مار کے سڑک تے کہندا 
کس گل دا اے رولا چُکیا
کیوں ہوئیاں حالوں بے حال
بچے گھر پورے نئیں اٗے
ساڈا نئیں کوئی ہور سوال
چلو تہاڈے پورے کر دینے آں بال
گھر آکے اوس گنتی کیتی 
ہرعورت اک چوٹھی عورت
جاہل عورت کھوٹی عورت
گنتی کرنی آندی نئیں تے 
پیدا کردیاں پھردیاں بال 
پورے نیں سب گن کے ویکھو
اک نے ہمت کر کے پُچھیا
او کسراں ۔۔۔ کُتوال بھرا جی ؟
کوتوال نے گنتی کیتی
بارہ گودی 
بارہ پیٹ
بارہ کھیڈن ٹاہلی ہیٹھ 
بارہ چلے گئے پردیس
پورے ہو گئے سارے بال
کڈھ دیو ہن خرچہ پانی
ایدھر وی کج کرو خیال
خرچہ پانی لے کے کہندا
ان پڑھ ، جاہل ، پاغل خانی 
عورت نوں کدی عقل نئیں آنی
باراں گودی باراں پیٹ
پانی کوئی نئیں راوی ہیٹھ
چل جواناں مال سمیٹ

Facebook Comments Box

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Calendar

March 2024
M T W T F S S
 123
45678910
11121314151617
18192021222324
25262728293031