دائرہ ۔۔۔ راشد حسن رانا

rashid-hasan-rana-poetry-dairah

دائرہ

(راشد حسن رانا)

سادہ مسافر

ننگے پیریں

موڈھے ڈانگ تے کچھے جُتیاں

ڈانگ دے دوجے سرے دے اتے

بدھیاں ہویاں روٹیاں

گُڑ دی ڈھیلی، امب دی پھاڑی

لما پینڈا

شِکر دوپہراں

پنچھی، رُکھ تے ٹِبے ٹوئے

وگدا دریا، چُپاں تے اِکلاپا

واء دیاں لہراں

نھیرا، جگنو، دیوا، جنگل

بستی، جادو، اسم ِ اعظم

ہر علامت دائرے دا اک موڑ

تے انت نوں

ساہ مسافر

جتھوں چلے اوتھے ای پُجے !

Advertisment

Be the first to comment

Share your Thoughts: