چمبے دی خوشبو ۔۔۔ شو کمار بٹالوی

shiv-kumar-batalvi-poetry-chambay-dee-khushbo

چمبے دی خوشبو

شو کمار بٹالوی

 

سجن جی
میں چمبے دی خوشبو
اک دو چمن ہور ہنڈھا
اساں اڈّ پڈّ جانا ہو
سجن جی
میں چمبے دی خوشبو

دھی بغانی میں پردیسن
ٹر تینڈے در آئی
سیاں کوہ میرے پیریں پینڈا
بھکھی تے ترہائی
ٹردے ٹردے سجن جی
سانوں گیا کویلا ہو
سجن جی
میں چمبے دی خوشبو ۔

سجن جی
اساں منیاں کہ
ہر ساہ ہندا ہے کوسا
پر ہر ساہ نہ چمن بندا
نہ ہر چمن ہؤکا
نہ ہر توت دا پتر بندا
ریشم دی تند ہو ۔
سجن جی
میں چمبے دی خوشبو ۔

سجن جی
اسیں چمن دے گل
کت بدھ باہیں پائیے
جے پائیے تاں پھزروں پہلاں
دوویں ہی مر جائیے
سمجھ نہ آوے
چمن مہنگا
جاں جند مہنگی ہو ۔
سجن جی
میں چمبے دی خوشبو
اک دو چمن ہور ہنڈھا
اسیں
اڈّ پڈّ جانا ہو ۔

 

Advertisment

Be the first to comment

Share your Thoughts: