غزل

( اختر کاظمی )

میں کرب کی آندھیوں کی زد میں ھوں لمحہ لمحہ بکھر رھا ھوں
نہ کوئ جادہ نہ کوئ منزل مگر اسیر سفر رھا ھوں
اچاٹ ھے زندگی سے دل خوف موت کا بھی ڈرا رھا ھے
اسی لئے تو عجیب عالم ھے جی رھا ھوں نہ مر رھا ھوں
ھیں میرے چاروں طرف دکھائ نہ دینے والی کئ فصیلیں
رھا بھی ھوں اور قید کی بھی اذیتوں سے گزر رھا ھوں
تمام رشتوں تمام جزبوں میں زھر ھے بے یقینوں کا
عجیب حالات ھیں خود اپنے ھی سائے سے بھی میں ڈر رھا ھوں
ملے گی فرصت تو ڈھونڈ لوں گا عدو بھی اپنا کوئ میں اختر
ابھی تو میں اپنے آپ سے جانے کس لئے جنگ کر رھا ھوں