میں دیکھ رہا ہوں ۔۔۔ زاہد مسعود

میں دیکھ رہا ہوں

( زاہد مسعود )

میں دیکھ رہا ہوں

کہ

لوگ اگر چاہیں تو

دوسروں کو جینے کا حق دے سکتے ہیں

ان کو راستہ دے کر

انہیں گڈ مارننگ کہہ کے

یا گڈ ایوننگ کہہ کے

بھٹکے ہوئے کو راستہ بتا کر

یا کم از کم اسے

صحیح وقت بتا کر

اگر وہ اپنی ذات کے حصار سے نکل آیئں

تو

ان کو دوسرے لوگ بغیر نظر کے چشمے کے دکھائی دیں گے

ان کی طرف محبت سے دیکھتے ہوئے

پھولوں کی لپک اور پرندوں کی چہک سمیٹتے ہوئے

زندگی کی طرف قدم بڑھاتے ہوئے

میں دیکھ رہا ہوں

لوگ دوسروں سے خواہ مخواہ دور رہتے ہیں

انہیں

اپنے راستے سے ہٹ جانے کا حکم دیتے ہوئے

ہوا میں آکسیجن نکال کر اپنی چھاگل میں بھرتے ہوئے

اور اپنے ہونے کو خدا کا آخری فرمان سمجھتے ہوئے

Facebook Comments Box

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Calendar

March 2024
M T W T F S S
 123
45678910
11121314151617
18192021222324
25262728293031