خود ساختہ مشکلات کا نوحہ ۔۔۔ زاہد مسعود

خودساختہ مشکلات کا نوحہ

(زاہد مسعود)

تاریخ
حکمرانوں کے جھوٹ کو سچ بناتی ہے
جغرافیے کے مفادات
لوگوں کے خون کا سودا کرتے ہیں
ہم
تاریخ اور جغرافیے کی زنجیریں
آنے والی نسلوں کے پاؤں میں ڈال رہے ہیں
انہیں
بیداری سے بچانے کے لیے
خودساختہ نظریے کی افیون چٹاتے ہیں
پرندوں، ہواؤں اور دریا کی لہروں کا کاروبار
نو پرافٹ نو لاس پر چلتا ہے
شاید اسی لیے
ان کی آزادی امر ہے

 

Advertisment

Be the first to comment

Share your Thoughts: