میں سنیا اے ۔۔۔ عائشہ اسلم ملک
میں سنیا اے
عائشہ اسلم ملک
ورھے نوں چولا پا کے
بھنگڑا پاوندے نیں
تے سمے دی سرت گنواندے نیں
نہ میں گھنگھرو بننا سکھے
نہ میکوں نچن دی جاچ
نہ ورھیاں نال پُگیا تھال
نہ میں رج کے پائی دھمال
وت بی ہر ورھے
میں چیتے نال
رب نے ، اچے بنیرے تے
مٹی دے پکھیرو بنا کے دھرنی رہی
سدھراں دی پوڑھی وی چڑھدی رہی
کوٹھے اتے ٹکر نی تھاں
اپنا ماس بھی پاندی رہی
پر چُگن کوئی نہ آیا
Facebook Comments Box