Faiz Ahmad Faiz, Lenin Peace Prize holder was a Pakistani intellectual, revolutionary poet and author, and one of the most celebrated writers of the Urdu language, he was also nominated for the Nobel Prize for literature. .

نظم

(فیض احمد فیض )

لمّی رات سی درد فراق والی

تیرے قول تے اساں وساہ کر کے

کَوڑا گھُٹ کیتی مٹھڑے یار میرے

مٹھڑے یار میرے، جانی یار میرے

تیرے قول تے اساں وساہ کر کے

جھانجراں وانگ، زنجیراں چھنکائیاں نیں

کدی کنّیں مندراں پائیاں نیں

کدی پیریں بیڑیاں چائیاں نیں

تیری تاہنگ وِچ پَٹ دا ماس دے کے

اساں کاگ سدّے، اساں سنیہہ گھلّے

رات مُکدی اے، یار آوندا اے

اسیں تک دے رہے ہزار ولّے

کوئی آیا نہ بِناں خُنامیاں دے

کوئی پُجّا نہ سوا اُلاہمیاں دے

اَج لاہ اُلاہمے مٹھڑے یار میرے

اَج آ ویہڑے وِچھڑے یار میرے

فجر ہووے تے آکھیے بسم اللہ

اَج دولتاں ساڈے گھر آئیاں نیں

جیہدے قول تے اساں وساہ کیتا

اوہنے اوڑک توڑ نبھائیاں نیں