رانجھا ۔۔۔ نسرین انجم بھٹی
رانجھا
نسرین انجم بھٹی
کون پروہنا آیا سنگدا
دِل نہ دیوے اکھیاں منگدا
دَکھ اُچیچی، امبراں جایا
رمز امیری ویس ملنگ دا
اپنی کاٹ نوں آپے جھلّے
رُوپ امن دا راگ تلنگ دے
ادھی رات تے ادھا دِن سی
چاندی گُھنیا نیلے رنگ دا
ٹُر گیا دراڈے اوہ تے
ہولی ہولی کھنگھدا
نہیں علاج کِتے وہ سائیں
کالے بھور دے مِٹھڑے ڈنگ دا
بے ہتھیار ہو ہو جائیے
کرے کرے اعلان اوہ جنگ دا
بھینا! اوتھے سورج اُگدا
بی بی! جیہڑے پاسوں لنگھدا
نسرین انجم بھٹی دی شاعری
Facebook Comments Box