چڑیاں دا چنمبہ ۔۔۔ پاش

چڑیاں دا چنبہ

( اوتار سنگھ  پاش )

چڑیاں دا چنبہ اڈ کے کتے نہیں جاوے گا

ایتھے ای کتے اُرے پرے،بنیاں توں گھا کھوترے گا

رُکھیاں مِسیاں روٹیان ڈھویا کرے گا

تے میلیاں چنیاں بھیوں کے

لوواں نال لوسے چہریاں تے پھیرے گا

چریاں دا چنبہ اڈ کے کتے نہیں جاوے گا

ایتھے ای کتے اُرے پَرے لُک کے

کلم کلیاں رویا کرے گا

سراپے جوبناں دے مرثیئے گایا کرے گا

چڑیاں دے چنبے نوں بھورا وی خبر نہ ہووے گی

اچانک کتوں لوہے دیاں چنجاں دا جال

اوس جوگے اسمان اتے وچھ جائے گا

اتے لمی اڈاری دا اوہدا سفنا

اوہدے ہرنوٹیاں نیناں نوں بہہ کھاوے گا

چڑیان دا چنبہ ایویں پریشان ہوندا اے

بابل تاں ڈولے نوں ٹور کے

اُکھڑے بُوہے نوں اٹاں لواوے گا

تے گُڈیاں پاڑ کے

پسینے نال گلے ہوئے کڑتے اتے تاکیاں لواوے گا

جدوں اوہ آپ ہی گلوٹیاں جیوں کیتا جاوے گا

چڑیان دے چنبے نوں چرخے دا موہ اُکا نہیں ستائے گا

چڑیان دا چنبہ اڈ کے

 کسے وی دیس نہیں جائے گا

ساری عمر کنڈ چرہیاں دی ہنڈائے گا

تے چٹے چادرے تے لگیا

اوہدی ماہواری دا خون اوہدا منہ چڑائے گا

Facebook Comments Box

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Calendar

March 2024
M T W T F S S
 123
45678910
11121314151617
18192021222324
25262728293031