چڑیاں دا چنبہ ۔۔۔ پاش

چڑیاں دا چنبہ

( پاش )

چڑیاں دا چنبہ اڈ کے کتے نہیں جاوے گا

ایتھے ای کتے اراں پراں بنیاں توں گھاہ کھوترے گا

رُکھیاں مِسیاں روٹیاں ڈھویا کرے گا

تے میلیاں چنیاں بھیوں کے

لوواں نال لوسے چہرے تے پھیرے گا

چڑیاں دا چنبہ اڈ کے کتے نہیں جاوے گا

ایتھے ای کدھرے ارے پرے  لُک کے

کلم کلیاں رویا کرے گا

سراپے جوبناں دے مرثئے گایا کرے گا

چڑیاں دے چنبے نوں بھورا وی خبر نہ ہووے گی

اچانک کتوں لوہے دیاں چنجاں دا جال

اسمان اتے وچھ جاوے گا

اتے لمی اڈاری دا سفنا

اوہدے نیناں توں بہہ وگے گا

چڑیاں دا چنبہ ایویں پریشان اے

بابل تاں ڈولے نوں ٹور کے

اُکھڑے بوہے نوں اٹاں لواوے گا

تے گُڈیاں پاڑ کے

پسینے نال گلے ہوئے کرتے اتے ٹاکیاں لواوے گا

جدوں اوہ آپ ہی گلوٹیاں جیوں کیتا جاوے گا

چڑیاں دے چنبے نوں چرخے دا موہ اکا نہیں ستاوے گا

چڑیاں دا چنبہ اڈ کے

 کسے وی دیس نہیں جاوے گا

ساری عمر کنڈ چرہیاں دی ہنڈاوے گا

تے چٹے چادرے تے لگیا

ماہواری دا خون اوسدا منہ چڑائے گا

Facebook Comments Box

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Calendar

March 2024
M T W T F S S
 123
45678910
11121314151617
18192021222324
25262728293031