کچرا ۔۔۔ صابر علی صابر

کچرا

صابر علی صابر

پیروں ننگیاں تے سراں تے چادراں۔ وڈی دی عمر پنجھی توں تھلے تے دوہاں ڈھاکاں تے دو نیانیاں وچکار ودھیا ہویا ڈھڈ دس رہیا سی کہ مہینے دساں دناں تک ای رب خوشی وکھان والا اے۔ جدکہ چھوٹی نے(جیہنوں بلاجھجک کڑی کہیا جاسکدا اے تے حالی ماں بنن دی بلکل حقدار نہیں

اک بال انگلے لایا سی، اک اٹھاں نواں مہینیاں دا کُچھڑ چکیا سی جیہدی شکل 95 فیصد اوہدے نال ملدی سی تے ڈھڈ ولوں وی چھیواں ستواں مہینا ہووے گا۔
اک بال پنجاں کو سالاں دا عام بالاں وانگوں نچدا ٹپدا شرارتاں کردا آپ مہارا نال لگا پھردا سی۔ انج دو جنیاں کول ست بال سن، پنج جمے تے دو حالی جمن والے۔
لیڑے کپڑے ساریاں دے ای نہ ہویاں ورگے سن۔ بالاں دے کپڑیاں تے مہاندریاں توں کڑی منڈے دا گویڑ لانا اوکھا کم سی۔
کسے دا مونہہ لال ویکھ کے اپنا چپیڑاں مار مار کے لال کرن والی گل کھنوں پکے رنگ والی وڈی ماں نے تیز کیمیکل والیاں کریماں لا لا کے مونہہ کجھ بہتا ای لال کیتا ہویا سی۔
چھوٹی دا رنگ کجھ گورا تے جسم جیویں بھرن توں پہلوں ای سنھ لگ گئی ہووے، مدھے ہوئے پھلاں ورگی بالڑی جہی ماں۔
پنجاں بالاں نال ودھے ہوئے ڈھڈ لے پھردیاں ول مرداں دیاں نظراں جاندیاں تے فورن خالی ہتھیں پرت آؤندیاں۔
دوویں ماواں بالاں سمیت پنڈ دے چوک چ برائلر گوشت دے پھٹے کول پئے اوس نیلے ڈرم ول ودھیاں جیہدے چ حلال ہویاں ککڑیاں تڑفن واسطے سٹیاں جاندیاں نیں۔
اٹھ نو کرماں دور مُوڑھے تے بیٹھا دھپ سیک رہیا قصائی بڑی بدتمیزی جیہی نال اچی آواز چ بولیا۔
’’ہیلو۔۔۔ ہیلو۔۔۔ ہیلو۔۔۔۔ کدھر؟‘‘
اوہدی ہیلو ہیلو توے توے دا ترجما لگی تے چھوٹی نے جوان اکھاں چ بے بسی جیہی بھرکے اوہدے ول ویکھیا۔ جواب چ بھکھیاں نظراں والا قصائی مُوڑھے توں اٹھ کے اوہناں دے کول آ گیا۔

ہاں کیہہ مسئلہ اے ؟

وڈی دوہاں پاسے چکے بالاں وچ پھسیا ڈھڈ سنبھالدی ہوئی ڈرم چ لہو لبڑے کھنباں تے آندراں ول اشارا کردی ترلے جہے نال بولی۔
’’ایہہ لے لئیے؟‘‘
’’کیہ کرنا جے؟‘‘
اس توں پہلاں کہ اوہ جواب دیندیاں قصائی کول آیا اک گاہک ہولی جیہی بول پیا۔
’’کتیاں واسطے‘‘
نال ای قصائی گاہک دے دھیانے لگ گیا تے چھوٹی شاپر لے کے ڈرم ول اُلری۔
قصائی فر بولیا
’’کیہ کرنا ای؟‘‘
وڈی فورن بولی۔
’’ہانڈی پکانی اے‘‘
’’پنجاہ رپئیے لگن گے‘
قصائی چھوٹی ول ویکھ کے منع کردا ہویا بولیا تے دوویں مایوسی جیہی نال اک قدم پچھانہہ ہٹ کے کھلو گئیاں۔ قصائی گاہک نوں دسن لگ پیا کہ ایہہ کچرا ایہناں ککڑیاں دی خوراک چ پیندا اے، فیکٹری دا بندا روز سو رُپئیا دے کے لے جاندا اے۔
نال ای اوہنے دو ککڑیاں چھری پھیرکے ڈرم چ سٹیاں تے اوہناں ول اشارا کردا ہویا گاہک نوں دسن لگ پیا کہ ایہناں صاف کرکے ہانڈی پکاؤنی جے۔ گاہک جو کہ کجھ چر پہلوں سمجھ رہیا سی ایہ کتیاں لئی منگ رہیاں

Similar Posts:

Facebook Comments Box

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Calendar

January 2022
M T W T F S S
 12
3456789
10111213141516
17181920212223
24252627282930
31