دو نظمیں

( پوشکن )

: ترجمہ: ظ۔ انصاری

فریبِ زندگی

زندگی دے تمھیں فریب اگر
دل نہ میلا کرو، نہو ناراض
دن بُرے ھیں تو ” با زمانہ بساز “
راحتوں کی یہی ھے راہ گزر

حال اک دلشکن زمانہ ھے
آسرا آدمی کو ھے کل کا
سب گزرتا ھے، سب ھے اک پَل کا
جو گزر جائے وہ سُہانہ ھے 

سینے سے لگ جاؤ

خون میں ھے تپش تمنا کی 
روح تیرے ستم کی ھے شاکی 
پیار کرلے کہ تیرے پیار لذیذ 
مجھ کو عود و شراب سے بھی عزیز
میری آغوش میں جھکالے سر 
سو رھوں میں سکون سے دم بھر 
اس سے پہلے که دن نکل آئے 
اور سرک جائیں رات کے سائے