پیٹ کی ریاست میں ۔۔۔ صفیہ حیات

پیٹ کی ریاست میں

صفیہ حیات

۔۔۔۔۔۔۔۔۔۔۔۔۔۔۔۔۔۔۔۔۔

ہم ممنوعہ پھل چکھنے سے

جنت سے در بدر کر دیئے گئے

اب کیا کھائیں کہ

یہاں سے بھی نکالے جائیں

اور سکھ پائیں

۔

ارے بھائی ! سچ کہوں

صحیفے اترے نہیں لکھے گئے تھے

کہ

سوچ اور یقین کے پر کاٹ دئیے جائیں

پیٹ کی ریاست میں

بھوک سے سچا کوئی مذہب نہیں

ایک لاکھ چوبیس ہزار تو کیا کروڑ پیشوا بھی

ایک اور صحیفہ لے آئیں

تو بھی

دماغ کی عینک سے دیکھنا ممنوع ہوگا

۔

جو ہے۔

اس کو سوچنے پہ پابندی ہے

جو نہیں ہے

اس میں الجھایا گیا ہوں