سری لنکا میں سمندر کنارے ۔۔۔ شازیہ محمود

 سری لنکا میں سمندر کنارے

(شازیہ محمود)

سمندر کی لہریں

میرے پاوں کی انگلیوں کے بیچ

رستہ بناتی نکلتی ہیں

نرم ملائم ہوا میرے چہرے کو چھوتی ہے

میرے پاوں اور سمندر کے اتصال پر

ریت مچل مچل جاتی ہے

دور سے آتی ایک سرکش لہر

قریب آکر، نرمی سے

 مجھے  بھگو دیتی ہے

میرا سارا جسم نمک ہو جاتا ہے

ایک چھوٹا سا بے بس گھونگا

اور ایک کمزور مچھلی

 لہروں میں الجھے، راستہ نہیں پاتے

پانی کی ہزاروں انگلیوں نے پیار سے

میری کمر کا، میرے کندھوں کا

 حصار کر رکھا ہے

سمندر کے گیلے ہونٹ

 مجھے بوسہ دیتے نہیں تھکتے

اس شرابور کردینے والے پانی کے پار

میں سوچتی ہوں

کاش یہ انگلیاں، یہ ہونٹ

 اس کے ہوتے

 

Facebook Comments Box

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Calendar

March 2024
M T W T F S S
 123
45678910
11121314151617
18192021222324
25262728293031