Raja Sadiqullah is the third generation of poets. He was born in Wazirabad in 1955 into a family which was expelled from Rajouri, Kashmir, for not accepting Dogras as the rulers of the state. He is among the generation of writers who deeply felt the horrible impact of partition.  …

ورٹیگو 

( راجہ صادق اللہ )

انج لگدا جیئوں گھمن گھیریاں آل دوالے ہویئاں

انج لگدا جیئوں وا ء ورولیاں اندر جُھل مچایا

اندر ستیاں خاباں نوں کوئی جھونے مار جگاوے

انج لگدا کوئی وگ تگ نٹھدا ساڈے ول پیا آوے

جُھنب مار کے پے وینا بھاویں لمیاں پہرو پہریں

اکھ پٹنا تے انج لگدا جیئوں گھمدی پھرے بھمبھیری

تیلا تیلا اکھر اُڈدے چار چوفیرے جاپن

گُوڑھی رات ہنیری اندر ٹِم ٹِم اکھیاں ٹِمکن

دانہ چوگا پا پا چڑیاں اپنے کول بلانا

انج لگدا جیئوں دن چڑھے وچ نیندر جاگ پئی اے

اندر و اندریں ہسدی پئی اے مُسکن جیہی خشبوئی

پالو پال کھلوتے سفنے گِٹ مِٹ گِٹ مِٹ کردے

دندیاں کڈھ کڈھ اکھر چیکن اک دوجے نوں ولدے

نظم جیہی کوئی رمکے رمکے راہے راہے آوندی

پہرو پہریں جاگدیاں نوں گُوڑھی نیند سواندی

اندر ستیاں خاباں نوں پئی جھونے مار جگاوندی