چیتا رکھیں یار ۔۔۔ عامر عبداللہ
“چیتا رکھیں یار “
( عامر عبداللہ)
میں لاہندے ول ٹریا ہویا
میرا پینڈا ڈاڈھا اوکھا
تتی ریت دی واٹ
وا ہ دے کوڑے بلے گھلے
سا ہ ہویا ہے تنگ
چھٹیاں لکھ تراٹان سینے
میں ناں چھڈی جنگ
پھلاں نوں ناں چیتے آیا
میرا ہار سنگھار
ککراں توں میں کنڈ یاں دا وے
منگیا ہار ادھار
گل میرے وچ کھبھیاں نوکاں
واہندی لہو دی دھار
میں لاہندے ول ٹریا ہویا
لوں لوں دے وچ اگ
سڑ گیے سارے جھمر جھٹے
سڑ گئی میری پگ
بل بل میرے سامنے ہو گیے
لیڑے سبھے سواہ
الف تلف میں سامنے اپنے
لکن دی نئیں جاہ
اپنا ننگ میں ہاں تے چا کے
جے ناں اپڑ یا پار
جے کر ہجر دی دھار ترکھی
وڈھ سٹیا وچ کار
میں تیرے ول ٹریا ہاموں
چیتا رکھیں یار !!!
Read more from Amir Abdullah
Read more Punjabi Poetry
Facebook Comments Box