جوگ بیراگن ۔۔ عائشہ اسلم ملک
جوگ بیراگن
عائشہ اسلم ملک
میں جگراتے پٹ کے موئی
میری اکھ سہاگن ہوئی
مینوں جمن والی روئی
میں جوگ بیراگن کوئی
میں تن جھجری سی دھوئی
مینوں قلعی کرے نہ کوئی
سیو ! ھیر پرانی ہوئی
ریت چوں نکلیا بھوچن
شالا جند ڈنگ نہ کوئی
اڈیک
پھاہیاں گل وچ پایئاں
تے میکوں لوک سدن شدائی
من اندر کیں مشک رچائی
میں روح نیں وچ صفائی
تے جثے تے معنے نے چکڑ لکھائی
کور پوتر اکھ
جیہڑی ویکھے میکوں رج
جوگ حیاتی نیں دانے نی
مت پکا سیانے نی
Facebook Comments Box