کافی ۔۔۔ اختر کاظمی
کافی
( اختر کاظمی )
جیون اک جنجال
ایویں ناں توں ون سونیاں
سدھراں دل وچ پال
جیون اک جنجال
ٹٹ نئی سکدا مردے دم تک موہ
مایا دا جال
جیون اک جنجال
اوکھے پینڈے کرنے پین تے
کون ٹرے گا نال
جیون اک جنجال
صدیاں توں مکیا ناں مکنا حق
تے سچ دا کال
جیون اک جنجال
ہونی ہووے یا ان ہونی کوئی
ناں سکیا ٹال
جیون اک جنجال
ڈاہڈیاں لئی خلقت دیاں
خوشیاں مڈھ توں لٹ دا مال
جیون اک جنجال
چپ کر کے ہر دکھ جر اختر
کسے نئیں پچھنا حال
جیون اک جنجال
Facebook Comments Box