غزل ۔۔۔ اختر کاظمی
غزل
( اختر کاظمی )
تھک بیٹھے آں لبھ لبھ درد ونڈاون والے
پیش پئے نیں جھوٹے خواب وکھاون والے
جد دی ہوش سنبھالی راہواں تکنے پئے آں
خورے مر مک گئے نیں قول نبھاون والے
سب دے جذبے لوبھ دے زہری گھیرے وچ نیں
گھٹ ای نیں بن غرضوں سانجھاں پاون والے
ہر دکھ سب نوں دسن والا ہندا وی نئیں
کج ہندے نیں دل دے وچ دفناون والے
ساڈیاں سدھراں کچیاں کندھاں وانگ نیں اختر
اوکھائیاں دے وحشی ہڑھ نیں ڈھاون والے
Read more from Akhtar Kazmi
Read more Punjabi Poetry
Facebook Comments Box