غزل۔۔۔اختر کاظمی
غزل
( اختر کاظمی )
انج ای
اپنا دل پرچائیے
چل کاغذ دے محل بنائیے
ساڈیاں سدھراں مردیاں رہنا
کیوں ایس دکھ نوں دل تے لائیے
چل اکھاں وچ ہنجو ڈک کے
ہاسیاں دے وچ دکھ لکائیے
اپنے جثیاں دے ملبے وچ
اپنیاں خواباں نوں دفنائیے
اوکھائیاں نوں جرنا پینا
ہسیے روئیے یا کرلائیے
ایہ خوشیاں دیاں پکیاں ویری
آ سوچاں نوں مغروں لائیے
اپنے آپ چ لک کے اختر
آل دوالے نوں بھل جائیے
Facebook Comments Box