رُکھ تے پَتر ۔۔۔۔ فلک شیر چیمہ
رُکھ تے پتر
( فلک شیر چیمہ )
بہار آوے
رُکھ پُنگرے
پُھل کِھڑے
گُڑھکن پھوٹاں
کنبن چھمکاں
نال ادا دے
ڈاہناں اُتے
مارن ہانگرے
ویکھ کے وا نوں
اِک رُکھ دے اِک لکھ پَتر
اِکو پیو دے سارے پُتر
پت جھڑ آوے
بُلہاں اُتے
موت دی سُرخی
ناگاں وانگوں
شُوکے وا
رُکھ دے اُتے اِکو پَتر
کلا پیو تے کلا پُتر
پاندے جپھیاں
اِک دوجے نوں
نالے دَسن
اپنی سدھر
ہوون جیویں
سکے مِتر
Facebook Comments Box