لما پیا دیہاڑا ۔۔۔ فاطمہ مہرو
لما پیا دیہاڑا
فاطمہ مہرو
باہواں دَھر کے اکھیاں تے
اُڈیکاں لایئاں لمیاں
جندڑی حالے تک لـمی پئی اے
تے منجیاں تے چیتے دیاں دُھپاں
ویہڑے وچ سدھراں دی بوکر پِھری اے
مائے نی
مینوں گھڑے توں سوہنی دا پانی پیا
خورے لتھے کدھرے
گَل تھلے ہنجواں دا گُھٹ
اج نیئں او میرا جی
اکھاں کھول کے
سورج نوں جھاتی پان دا
کھیس کھلار کے چارے ای پاسے
ہنیرا چاڑھ دے
مائے نی
ایناں بلدیاں سرھانیاں اُتے
مینوں سُکھ دی کڈھائی کاڑھ دے
Facebook Comments Box