دھی ہاں تیری ۔۔۔ کوثر جمال
دھی ہاں تیری
کوثر جمال
دھرتی ماں
تیرے جیون دے وچ
اوکھے ویلے سدا نئیں رہندے
چاروں موسم وارو واری آوندے
برفاں نوں پگھلاندے
ٹنڈ منڈ سُکھّے رُکھّاں نوں
نویں پوشاک پوآندے
پُھل وی کھِلدے
پھل وی لگدے
حیاتی نچدی، گِدّا پوندی
ہسدے گیت سناوندی ۔۔۔۔
مائے نی میریئے
میرے من دا سُنّا وھیڑا
نویاں رُتاں نوں ترس گیا ہے
رُت بدلن دے بھید سکھا دے
آپنی ڈھیر سیانت وچوں
اک مٹھ میری جھولی پا دے
دھی ہاں تیری
Facebook Comments Box