درد سیاپے، چن اکلاپے ۔۔۔ منیر عصری

غزل

( منیر عصری )

درد سیاپے، چن اکلاپے، سنجم سنجی رات

اکھاں دے وچ بھمبر تارے، کھاندے پھردے مات

دُھوڑ سمے دی چکی پھردا، سِر دا نیواں بوٹا

ہونٹھاں اتے سکدی جائے بیتے جُگ دی بات

اندر اوہو زہر کٹوری، مونہوں منکے کردے

کیہہ سپاں دے متھے تارا، کیہہ سپاں دی ذات

دھویئں رنگی لاٹ جئی میں کدے نہیں بجھن دتی

ایہو اگاں دی اشنائی، ایہو راہ نجات

جے تیریاں کویتاواں سن کے دل دا مور مچیوے

عصر بیبا، ایہو سمجھیں، سب توں وڈی وات