بُلھے شاہ دے چرنیں ۔۔ منیر شیروانی

بُلّھے شاہ دے چرنیں۔

منیر شیروانی

بّلّھے شاہ دی ہستی،فکر انسان دی روشن دیوے۔

دل دے انھّ ہنیر چ صدق صفا دا چانن کر دیوے۔

بُلھےشاہ سی آگُو عقل،سیانف،علم تے حکمت دا۔

پیش امام سی،رہتل دے وچ، امن،فلاح،محبّت دا۔

بُلھے شاہ دا ذہن کرانتی کاری رہتل چاہوندا سی۔

جیون دےہر رنگ دی اوہ تے ، ہر تصویر بناؤندا سی

بُلھے شاہ دے آن بروبر کافی ،کوئی نہ کہہ سکدا۔

کیوں جے سوچ تخیّل دے وچ کامل انج نہ رہ سکدا۔

بُلّھے شاہ پنجابی سی،اس گل تے چوکھا مان کراں۔

کُل دنیا دے سوہنے اکھر اوہدے تے قُربان کراں۔