ویلا آگیا ۔۔۔ اوتار سنگھ پاش
ویلا آگیا
پاش(اوتار سنگھ سندھو)
ہن وقت آ گیا جے
آپو وچلے رشتے دا اقبال کریئے
تے وچاراں دی لڑائی
مچھر دانی وچوں باہر ہو کے لڑیئے
تے ہر اک دے گلے دی شرم
ننگے منہ تے جریئے
وقت آ گیا ہے
کہ ہن اس کڑی نوں
جو معشوقہ بنن توں پہلاں ہی
پتنی بن گئی، بھین کیہہ دیئے
لہو دے رشتے دا پنگل بدلئے
تے متراں دی نویں پہچان گھڑیئے
آپے اپنے لہو دے دریا نوں تریئے
سورج نوں کھنامی توں بچاون لئی
ہو سکے تاں رات بھر
آپ بلیئے
Facebook Comments Box