کد آویں گا یار ۔۔۔ راشد حسن رانا
کد آویں گا یا ر
راشد حسن رانا
خاب جزیرے کچ دے
رُت نے کیتے ساوے
سوچاں اتے بدل تردے
کوئی آوے کوئی جاوے
رنگ برنگے پنچھی چہکن
سَت سُراں دا راس
کُنجاں ڈاراں واپس آیئاں
مُکیا ہن بن باس
تے واء دے پیرہن رنگ پجیباں
چھن چھن چھن چھن نچے
راہواں تے خوشبوئی جیویں
بھانبڑ ونگر مچے
ٹاہنی ٹاہنی تارے چمکن
چانن پئے پھوار
ہر پاسے اک سادا منظر
کد آویں گا یار
Facebook Comments Box