اگلے پل دا نقشہ ۔۔۔۔ راشد حسن رانا
اگلے َپل دا نقشہ
( راشد حسن رانا )
کاٹھ دا قاضی
کاٹھ دی ڈولی
کاٹھ دے رانجھن ، ہیر
کاٹھ دے جانجی
کاٹھ دا جوگی پیر
کاٹھ دا مرزا
کاٹھ دی بَکی
کاٹھ دا ویر شمیر
سارا کاٹھ اے بالن جوگا
کاٹھ وی ایہہ تقدیر
پَل توں اگے
نویں سویر دی حد
نواں نکور اک رنگ پور کھیوا
نواں ای دانا باد
نہ کوئی جنڈ نہ عدل راہ وچ
نہ کوئی تھل جھناں
مرضی دے نال پنچھی اڈن
خشبوواں دی چھاں !!
Facebook Comments Box