پازیباں ۔۔۔ صفیہ حیات
پازیباں
( صفیہ حیات )
ماں تھاپی مار مار
کپڑے دھوتے
میں دھپ دھپ تے بڑا نچی
ویہڑے بیٹھی
حقہ پیندی دادی
مینوں ویکھ ویکھ ہسی
میلے چوں
چاچے دی لیاندیاں پازیباں
ویرے
میرے پیریں پائیاں
تے میں ہور وی نچی
نچ نچ
میں سب دا دل پرچایا ۔
بوکر ، پاتھیاں ، بھانڈے میں بھج بھج کیتے ۔
جوان کڑی نچدی چنگی نئیں لگدی
ایہہ کہہ کے
دادی میریاں پازیباں کھوہ لیئاں ۔
میں اندرو اندری مر گئ ۔
ہن
گوانڈیاں دے منڈے نوں تاڑن سوا
مینوں کوئی کم نئیں
Facebook Comments Box