آ لکھئے کوئی امر کہانی ۔۔۔ شاہین کاظمی
آ لکھیے کوئی اَمر کہانی
( شاہین کاظمی )
جیون دے کورے ورقے تے
آ لکھیے کوئی اَمر کہانی
درد دی بپتا رل مل لکھئیے
پہر دُکھاں دے سکھ دیاں گھڑیاں
ھجر مسافت ،کالیاں راتاں
کھڑ کھڑ کردیاں ہاسے لڑیاں
کنڑ منڑ وسدا آکھ دا پانی
آ لکھیے کوئی اَمر کہانی
کلّے پن دا سوگ وی لکھئیے
دل نوں لگے روگ وی لکھئیے
سورج دے پرچھانویں ورگا
ہاسے گھلیا روگ وی لکھئیے
جیہڑے وانگ حیاتی وچھڑے
دل دے محرم لوگ وی لکھئیے
جدوں تیکر روشنائی لہو دی
لکھئیے سارے ملن وچھوڑے
جوگ بجوگ سنجوگ وی لکھئیے
Facebook Comments Box