حیاتی پندھ ۔۔۔ تنویر قاضی
حیاتی پندھ
( تنویر قاضی )
چھن چھن
ڈگدیاں جاون
اشرفیاں یاداں دیاں
بڑا پُرانا
دل دا بٹوہ سینا پیندا
ریتو ریت
حیاتی پندھ نوں ٹپن واہتے
انھی واء دے ڈمبرُو اُتے
نچنا چینم چینا پیندا
شہر دی سڑک تے وِکدے جَل وَل
پھیر کے منہ شرمندہ ھوون
خالی ہتھ تے چہریاں اُگیا پیاس دا صحرا کِنج لُکاون
ڈاچیاں چھڈیا
جُوٹھا پانی
یاں فیر اپنی ا۔کھ دا
اتھرُو پینا پیندا
Facebook Comments Box