اوہ جیہڑے خواب ہن ۔۔۔ زاہد حسن
اوہ جیہڑے خواب ہن
زاہد حسن
کجھ،اجیہے خواب ہن
بند،دراں، بند گھراں دے وچ
کھلے سرخ گل آب ہن،
بھوریاں دے پراں دے وچ
پیراں وچ کھنک بیڑیاں دی
حوصلے سفر دے، سراں دے وچ
سفنےاگے لنگھ گئے ،تعبیراں پچھے رہ گئیاں
سزاواں آ،گل لگیاں، تعزیراں پچھے رہ گئیاں
عذاب حاکمیں دے،لوکیں دے سریں آن پئے
صدیاں توں بھوگن والے، اج وی بھوگ رہے۔
ربا تیرے نیاں دا، در کد کھلے گا،
بے گھراں، بے دراں تے
تیرا در کد کھلے گا۔
Facebook Comments Box
عمدہ ادبی میگزین