غزل ۔۔۔ فرح خان
غزل
( فرح خان )
اکھ اچ اتھرو کیلے سایئاں
ہتھ ہو جاون پیلے سائیاں
ایویں نیندر کھو لیندے نیں
سفنے رنگ رنگیلے سائیاں
اوہدیاں راہواں تکدی رہندی
چڑھ کے اُچے ٹیلے سائیاں
کاغذ، اکھر ساڑ دے ریہندے
ہنجو ایہہ برفیلے سائیاں
تیرے تیکر آون لئی میں
کیتے لکھاں حیلے سائیاں
کجھ اے پیرِیں لج دی بیڑی
اسیں وی کجھ شرمیلے سائیاں
خوشیاں زہر، تے دکھ لگ دے نیں
سا نوں انت رسیلے سائیاں
جیبھ نو وڈھ وڈھ کھاندے رہندے
چپ دے دند نوکیلے سائیاں
زہر عشق دا جس وی چکھیا
مر گئے ہو کے نیلے سائیاں
Read more from Farah Khan
Read more Punjabi Poetry
Facebook Comments Box