آکھیا بلھے شاہ

اک رانجھا مینوں لوڑیدا

کن فیکون اگے دیاں لگیاں
نیوں نہ لگڑاچوری دا
اک رانجھا مینوں لوڑیدا
آپ چھڑجا ندا نال مجھیں دے
سانوں کیوں بیلیوں ہوڑیدا
اک رانجھا مینوں لوڑیدا
رانجھے جیہامینوں ہو ر نہ کوئی
منتاں کر کر موڑی دا
اک رانجھا مینوں لوڑیدا
سانولیاں دے نین سلونے
سوہا دوپٹہ گوری دا 
اک رانجھا مینوں لوڑیدا
احد احمد وچ فر ق نہ بلھیا
اک رتی بھید مروڑی دا

لغت

لوڑیدا۔ چاہیداہے۔ لوڑ ہے
کُن فیکون۔ جد رب نے کہیا ”ہوجا” تے خلقت پیدا ہوئی
نیوں۔ پیار، عشق، محبت
لگڑا۔ لگا
چھڑ۔ چھیڑو دا مطلب ہے ڈنگراں نوں چارن والا، چھڑ جاندا دا مطلب، ڈنگر
بیلیوں۔ جنگل
سانولیاں۔ سانولے رنگ دیا ں سوہنیاں
سلونے۔ کھچن والے، سوادلے 
سوہا۔ سُرخ
احد۔ اک