عرضوئی ۔۔۔ شو کمار بٹالوی

عرضوئی

شو کمار بٹالوی

توں جو سورج چوری کیتا

میرا سی

توں جس گھر وچ انھیرا کیتا

میرا سی

ایہہ جو دھپ تیرے گھر ہسے، میری ہے

اس دے باجھوں میری عمر انھیری اے

اس وچ میرے غم دی مہک بتھیری اے

ایہہ دھپ کل سی میری اج وی میری اے

میں ہی کرن وہونا اس دا بابل ہاں

اس دے انگیں میری انگن سموئی ہے

اس وچ میرے سورج دا خوشبوئی ہے

سِکھر دوپہرے جس دی چوری ہوئی اے

ایہہ اک دھپ دے بابل دی عرضوئی ہے

میری دھپ میرے لئی اج توں موئی ہے

سنے سوراجے اج توں تیری ہوئی ہے

دھپ جہدے گھر ہسے بابل، سوئی ہے

توں جو سورج چوری کیتا

تیرا ہے

میرے گھر تاں جنم دوس توں نھیرا ہے