چمبے دی خوشبو ۔۔۔ شو کمار بٹالوی
چمبے دی خوشبو
شو کمار بٹالوی
سجن جی
میں چمبے دی خوشبو
اک دو چمن ہور ہنڈھا
اساں اڈّ پڈّ جانا ہو
سجن جی
میں چمبے دی خوشبو
دھی بغانی میں پردیسن
ٹر تینڈے در آئی
سیاں کوہ میرے پیریں پینڈا
بھکھی تے ترہائی
ٹردے ٹردے سجن جی
سانوں گیا کویلا ہو
سجن جی
میں چمبے دی خوشبو ۔
سجن جی
اساں منیاں کہ
ہر ساہ ہندا ہے کوسا
پر ہر ساہ نہ چمن بندا
نہ ہر چمن ہؤکا
نہ ہر توت دا پتر بندا
ریشم دی تند ہو ۔
سجن جی
میں چمبے دی خوشبو ۔
سجن جی
اسیں چمن دے گل
کت بدھ باہیں پائیے
جے پائیے تاں پھزروں پہلاں
دوویں ہی مر جائیے
سمجھ نہ آوے
چمن مہنگا
جاں جند مہنگی ہو ۔
سجن جی
میں چمبے دی خوشبو
اک دو چمن ہور ہنڈھا
اسیں
اڈّ پڈّ جانا ہو ۔
Facebook Comments Box