شیزو فرینیا ۔۔۔ غلام حسین ساجد
شزو فرینیاآ
غلام حسین ساجد
کوئی گھر سی
گھر دی کندھ دے دوئے پاسے
سنترے دا بوٹا
بوٹے اتے سانول بھِنے امبر دا پرچھاواں
کوئی دن سی
ورھیاں پچھوں بندی واناں دی وسوں وچ آیا
آندے جاندے پکھواں پچھے
گھلدا گنگ ہواواں
کوئی اکھ سی
ہر نولی دی جھاڑی پچھے
کن من کن من کردی
رتیاں لال کنیراں وچوں بھردی ٹھنڈیاں ہاواں
کوئی کم سی
جیہنے مینوں تناں دے دس پایا
ہن میں کیہڑے کیہڑے کولوں اپنا آپ لکاواں
Facebook Comments Box