بُکل ۔۔۔ مقصود خالق
بکل
مقصود خالق
اک بکل وچ چن دا چانن
دوجی دے وچ ٹکر
سوچاں وچ تریڑاں پئیان
روح نے ملی نکر
اک بکل وچ نیندر جاگے
دوجی دے وچ لوری
ممتا نوں پئی چپ دی دندل
گاون ہوگے چوری
اک بکل وچ ہاسے نپے
دوجی دے وچ بھکھ
پیڑاں دی جنج وہڑے ڈھکی
اوکھے جاپن سکھ
اک بکل وچ سدھراں کھیڈن
دوجی دے وچ آس
کن من کن من سک دیاں کنیاں
آن بجھائی پیاس
اک بکل وچ ہاسے روسے
دوجی دے وچ بھاگ
کناں دے وچ وجن لگ پے
چیکاں بھردے راگ جاگ حیاتی جاگ
Facebook Comments Box