نظم ۔۔۔ مظہر ترمذی
نظم
مظہر ترمذی
جفر جالدے جفا دے مارے
ماڑے بندے دا خش ہونا کی اے
ڈھڈ بھر نا سوں جانا
خشی امیر دی
مہنگے کپڑے مہنگی جتی مہنگا کھانا
مہنگی گڈی رکھنی عشق کمانا
کہنا یار ارشاد دا
،،خشی کوئی لاچی دانہ نہیں،،
ساڈے لئی تاں خشی رضاوں ملنا
بے فیدا گلاں تے کھلنا
جپھی پانا
اپنے پیاریاں نوں خش ویکھ کے خش ہوجانا
اجکل تاں میں ایویں خش ہو جاناں
سوچدا ہاں پئی
ایویں خش ہوجانا ہی تاں خشی اے
بھاویں اے گل ایویں جہی اے
ایویں جہی گل کرناں
ہاسیاں دی بک بھرنا
ایویں جینا
ایویں مرنا
Facebook Comments Box