نظم ۔۔۔ سارہ شگفتہ
نظم
( سارہ شگفتہ )
ڈبنا
چاہوندی ساں تے سمندر نے اپنیاں بانہواں ونڈ دتیاں
میں چن نوں اگ لاکے اگے ودھ
گئی
تے کوئل نے درخت کالے کردتے
جتھے میں ہندی آں اوتھے کوئی
نہیں ہندا
جیہنوں میں لبھدی آں اوہ مینوں
نہیں لبھدا
بُھل بُھل لبھدی آں سارا
نوں
کتھے ویں توں کمینیئے !
گھر نہیوں جانا ؟
گھر چوں ہنیرے کڈھ دیو’چھت
تے دروازے کڈھ دیو
فیر میں گھر جاواں گی
رنڈیئے ! بغیر کھسموں بچہ
پیدا کرنا چاہوندی ایں
چپ ‘چپ’ نہیں تے مریم سُن
لوے گی
ایہہ ادھار گلاں نیں’
جیہڑیاں اسیں آپے وچ ہی کر
سکدیاں واں !
Facebook Comments Box