جُوا ء ۔۔۔ سربجیت کور جَس
جوا ء
سربجیت کور جَس
میں جنم توں جیون نال
جوا کھیڈ رہی ہاں
اک اک کر کے ساہ
اوہدی تلی تے دھردی جاندی ہاں
اوہ اپنے اندرلا سارا لطف
لٹا دیندا اے میرے تے
میں ہار کے کجھ ساہ
جت لیندی ہاں جیون توں
سُپنے
رشتے تے محبت
پتہ ہے مینوں
جس دن مُک گئی
میری چھاتی دے بوہے چوں
ساہاں دی پونجی
اوس دن چلدی کھیڈ نوں لت مار کے
دور کتے نس جاوے گا جیون
پر میں اٹلے ساہ تک
بے ایمان جیون نال
کھیڈ دی رہاں گی ایمانداری نال کھیڈ
ایس وشواس نال
کہ سُپنے
رشتے
تے محبت توں وڈا نہیں ہوندا مُنکھ دا ساہ۔
Facebook Comments Box